Foto: LEAH MILLIS / X90205

Ber Trump trekka sin foreslåtte ambassadør til Noreg på grunn av rasisme

Mark Burkhalter som er nominert av Donald Trump til å bli ny ambassadør til Noreg, møter nå krav om å trekka seg.

  • Sindre Camilo Lode

Årsaka er eit nyoppdaga rettsdokument frå ei rettsak i 1994.

Rettsdokumentet tyder på at Burkhalter var involvert i å produsera eit politisk flygeblad med rasistisk innhald for å sverta ein afrikansk-amerikansk politikar, skriv Washington Post.

Ifølge rettsdokumentet skal han ha vore med på å laga flygebladet som både forvrengde og overdreiv utsjånaden til Gordon Joyner.

Joyner var på det tidspunktet ein kandidat til å bli ordførar i eit fylke nordvest i delstaten Georgia. Han kjempa om vervet mot Mitch Skandalakis. Burkhalter var kampanjesjef for Skandalakis.

Joyner blei på flygebladet avbilda som mørkare enn han var, med ein stor afrofrisyre, forstørra augebryn og eit skeivt auge.

I flygebladet skal det òg ha stått at «spørsmålet er ikkje svart-kvitt», der ordet «kvitt» stod over den kvite kandidaten, mens «svart» stod over ein karikatur av hans svarte motkandidat Joyner.

Joyner gjekk til sak for ærekrenkingar og godtok til slutt eit forlik som inkluderte ei hemmeleg utbetaling og ei skriftleg beklaging frå Burkhalter og tre andre menn.

Burkhalter skal både ha godkjent utgivinga av flygebladet og betalinga for delar av kostnadane for trykking av det. I tillegg skal han ha bestemt at flygebladet skulle sjå ut som det blei gitt ut av ein falsk politisk komité med ein falsk postboks, ifølge rettsdokument som siterer hans og andre forklaringar, skriv avisa.

Blir bedd om å trekka nominasjonen

I eit brev til Det kvite hus, oppfordrar senator Robert Menendez (D) Trump å trekka nominasjonen av Burkhalter som ny ambassadør til Noreg.

Ifølge Menendez skal ikkje Burkhalter ha nemnt sin del i saka til utanrikskomiteen i Senatet.

– Desse handlingane bør diskvalifisera kven som helst frå å få godkjenninga til Sentatet. Eg ber derfor om at nominasjonen blir trekt med ein gong, skriv Menendez i brevet.

Joyner seier til avisa at då han høyrte at Trump hadde nominert Burkhalter, blei han umiddelbart sjokkert, forferda, trist og veldig såra.

Dette skal vera flygebladet det er snakk om:

Les også

  1. Trump har nominert ny ambassadør til Norge

    Tidligere speaker i Representantenes hus i Georgia, J. Mark Burkhalter, har blitt nominert som kandidat til det ledige…

Mer om

  1. Donald Trump
  2. Norge
  3. Rasisme

Flere artikler

  1. Trump har nominert ny ambassadør til Norge

  2. Slik kan arven etter Trump påvirke USA i mange år fremover

  3. Tidligere Trump-rådgiver sier opp i protest

  4. Anklages for politisk spill: USAs justisminister forsvarer maktbruk i Portland

  5. Historisk valg i USA: Disse kan bli Bidens visepresident

Fra andre aviser

  1. Trump bes trekke sin foreslåtte norgesambassadør på grunn av rasisme

    Bergens Tidende
  2. Misnøye med USAs amatørdiplomater. Hudlege hudflettes for krav om bevæpnede livvakter i Reykjavik.

    Aftenposten
  3. To linjer på Wikipedia. Dette vet vi ellers om Trumps nye ambassadør til Norge.

    Aftenposten
  4. USAs utenriksminister Mike Pompeo skal ha bedt sikkerhetspersonell om å utføre private ærender

    Aftenposten
  5. Alle fra Donald Trumps høyrefløy til ytre venstre er enige om én ting: De misliker John Bolton.

    Aftenposten
  6. USA trekker seg fra våpenkontrollavtale

    Aftenposten

Kommersielt samarbeid: Rabattkoder