Cathrine Nitter.

Debatt

Seks råd for et anstrengt forhold til egen kropp!

Lurar du på korleis du skal få eit anstrengt forhold til eigen kropp? Korleis du skal gjere kropp til eit altoppslukande livsprosjekt? VG gir deg svaret!

ARTIKKELEN ER OVER ETT ÅR GAMMEL

CATHRINE NITTER, kurs- og foredragsholder ROS (rådgiving om spiseforstyrrelser)

Det er ikkje enkelt å orientere seg i jungelen av velmeinte tips og triks når det kjem til helse. Det er faktisk lett å gå seg fullstendig bort.

Men, er du ein av dei som ynskjer å læra meir om korleis du kan bli meir rigid, meir misnøgd med eigen kropp og mogleg pådra deg ei spiseforstyrring? Fortvil ikkje, VG har heldigvis klart å gi den eksakte oppskrifta på korleis ein kan få dette til.

Les saken i VG: Oppskriften på fitnesskroppen

les også

Detaljert program og diett: Oppskriften på fitnesskroppen

Pluss content

1. Spis berre det du har bestemt deg for, ingenting anna. Rigiditet og sjølvdisiplin gjelder. Om du absolutt må skeie ut ein dag, lag deg ei sukkerfri, syntetisk blanding – heilt fri for naturlege ingrediensar. Eller spis ein brokkoli.

2. Stå imot sosial press. Ikkje et det du får servert i selskap. Hold deg til matplanen – ta med deg eigen mat om maten som serverast ikkje tilfredsstiller dine krav.

3. Prioriter alltid – og då meiner eg ALLTID – trening framfor sosiale aktiviteter og kvalitetstid med barna dine. Trening er viktig. Ikkje la sosialt støy kome i vegen for at du skal nå måla dine. Det er kropp som gjelder. Glede dyrkast framfor spegelen på treningssenteret.

4. Tel kaloriar og veg deg ofte. Vegen til lukke og livskvalitet kan nemleg ikkje følast eller opplevas – kun vegast, teljast og målast! Planlegg alle måltid. Styr unna fleksibilitet og spontane innslag som vener og kollegaer kan lura deg med på.

les også

Inger-Marit (31) jaktet sommerkroppen – trente seg syk

Pluss content

5. Legg ut mange bilete av eigen kropp i sosiale media. Ta 1000 situps, 1000 armhevingar, smør deg inn i babyolje og ta solarium. Poser på unaturlege måtar og legg ut resultatet på instagram. God sjølvkjensle kjem av likes, positive kommentarar og mange følgjarar.  

6. Kroppane våre reagerer heilt likt på kosthald og trening. Følgjer du planen utan å oppnå dine mål? Fortvil ikkje. Berre held fram, så vil du kome dit etter kvart.

Når tankar rundt trening og kosthald styrer samlege av dine val i løpet av dagen, når fleksibilitet er blitt rigiditet og når vekt, midjemål og kaloriar er blitt mål for lukke og tilfredsheit – gratulera! Då er du omsider kome i mål. Takk VG.

Kommersielt samarbeid: Rabattkoder