MEIR STØTTE ENN FORVENTA: Hareide fekk meir støtte enn han forventa i Møre og Romsdal. Her saman med nestleiar Olaug Bollestad (t.h.) og fylkesleiar Randi Walderhaug Frisvoll (t.v.) FOTO: Espen Breivik / VG

Overraskande Hareide-støtte på medlemsmøte i Møre og Romsdal

ÅLESUND (VG): Fleire enn venta av KrF-medlemmane som tok ordet under det lukka medlemsmøtet i Ålesund tysdag kveld gav sin støtte til Hareide, i det som reknast som eit borgarleg orientert fylke. – Ikkje representativt, seier fylkesleiaren.

  • Espen Moe Breivik

Artikkelen er over ett år gammel

KrF-leiar Knut Arild Hareide held fram sin skjebneturné for å overtyde partimedlemmane om å støtte opp om hans råd om å søke regjeringsmakt med Arbeidarpartiet og Senterpartiet.

Tysdag kveld møtte han KrF-medlemmar på Misjonssalen i Ålesund. Eit fylkeslag som gjerne har vert rekna som borgarleg orientert.

les også

Hør forskjellen på Hareides Erna-løfter selv: Er dette samme mannen?

– Det kan ein nok forvente, sa også Hareide på veg inn i salen før møtet, på spørsmålet om han trudde høgresida ville dominere.

Men ifølgje fleire deltakarar som VG var i kontakt med, var det flest som gjekk på talarstolen og gav uttrykk for å støtte Hareide sitt råd. Mange ytra også støtte til eit tredje alternativ for KrF; å bli der partiet er i dag – ikkje del av noko regjering.

Meiner flest vil til borgarleg side

Men fleire KrF-toppar frå fylket har uttrykka at dei, i likskap med nestleiar Olaug Bollestad, ønskjer å gå inn i dagens regjering, med Høgre, Venstre og Frp.

les også

KrF-topper ut mot partilederen: Anklager Hareide for løftebrudd

– Han har nok støtte blant nokon, men vi er tradisjonelt borgarleg i partiet i Møre og Romsdal, seier fylkesleiar Randi Walderhaug Frisvoll.

Ho er ikkje heilt einig i analysen av at flest tok til ordet for å støtte Hareide.

– I alle fall er det ikkje nødvendigvis representativt, seier ho.

Også VGs eigne undersøkingar, blant dei som truleg blir delegatar frå Møre og Romsdal til det ekstraordinære landsmøtet 2.november, er klart flest borgarleg orientert.

– Melder meg ut om Hareide får fleirtal

Tidlegare stortingsrepresentant for KrF, skipsreiar Per Sævik, har tidlegare gått ut og bedt Hareide om å trekke seg, og har ikkje endra meining;

– Hareide overkommuniserer Frp som eit problem, og underkommuniserer SV. I viktige saker som vårt forhold til Israel og kristendom i skulen er det ikkje Frp som er problemet, seier han.

UT MOT HAREIDE: Per Sævik i KrF i Møre og Romsdal seier han vil melde seg ut, dersom partiet går mot venstresida. Foto: Hallgeir Vågenes / VG

Den tidlegare Herøy-ordføraren deltek ikkje sjølv på møtet, men snakkar med VG på telefon. Han meiner klart at KrF-medlemmane i heimfylket er skeptiske til Hareides råd.

– Eg blir svært forbauset om eit fleirtal her er for eit linjeskifte, det er ikkje slik eg kjenner KrF her.

les også

23 KrFU-topper i internt opprør mot nestlederne: «Dolker oss i ryggen ved første veikryss»

– Dersom KrF 2. november følgjer Hareides råd, vil du framleis vere medlem?

– Akkurat som med ekteskapet, så er eg ikkje fan av dei som går ut og inn av parti på grunn av småsaker, men eit linjeskifte er så viktig ideologisk at der går også mi grense, seier han.

KrF i Møre og Romsdal skal avgjere kven som blir deira delegatar til skjebnelandsmøtet 2.november, når dei har fylkesårsmøte den siste helga i oktober. Samme helg har ei rekkje andre fylkeslag også årsmøte.

Les også

  1. KrFU-topper svarer: Nekter å la seg binde i regjerings-striden

    Nestlederne i KrFs ungdomsorganisasjon nekter å bøye av for press, og sier at de vil stemme etter egen overbevisning når…
  2. KrF reagerer på oppfordring om å «kuppe» møter: – Ufint

    BERGEN (VG) KrF-leder Knut Arild Hareide innrømmer at partiets innmeldingsregler kunne vært bedre, etter oppfordringer…
  3. Under halvparten av nye KrF-medlemmer har betalt for medlemskapet

    BERGEN/OSLO (VG) Bare 45 prosent av de 2068 nye medlemmene i Kristelig Folkeparti (KrF) har betalt kontingenten for…
  4. Lederen for KrF Kvinner vil ha omkamp om avstemming

    Ann Kathrine Skjørshammer er misfornøyd med at partiet ikke skal stemme over om de skal bli der de er – i opposisjon.
  5. Slik var dramaet i kulissene før Hareides sjokktale

    I dagene før han varslet KrFs venstresving ble Knut Arild Hareide advart av sin egen nestleder mot å gå for langt.
  6. Hør forskjellen på Hareides Erna-løfter selv: Er dette samme mannen?

    For ett år siden lovet KrF-leder Knut Arild Hareide at han ville ha Erna Solberg (H) som statsminister.

Mer om

  1. Kristelig Folkeparti (KrF)
  2. Møre og Romsdal
  3. Ålesund
  4. Knut Arild Hareide
  5. Olaug Bollestad
  6. Politikk

Flere artikler

  1. Hareide på heimebane – møter både jubel og motstand

  2. Venstre under sperregrensa - SV kraftig fram på ny måling

  3. Måtte ha fem stemmer i Rogaland: Her kan Hareide ha tapt KrF-slaget

  4. Stortinget vil tvinge statsrådar til å offentleggjere kundelister – Wara kan sleppe unna

  5. KrFs mektigste fylke stemmer i kveld – Hareide fikk støtte for forholdtallsvalg

Kommersielt samarbeid: Rabattkoder